Vawiin chawhma dar 11 khan Chapchar Kut Programme Committee chuan an Chairman, Pu Ngurbiaka, Director Art & Culture hovin a office ah Chapchar Kut 2012 atan programme an duang chhin a ni.
He Committee ah hian State Level Chapchar Kut Committee a thlen turin, Chapchar Kut 2012 programme a telh tur chi hrang hrang an pho chhuak a. Chung zingah chuan, Mizo Hnam Lam leh Zai chi hrang hrang, hranghlui leh thar zaithiamte, Mizo inchei chi hrang hrang entirna, Live Music Band hrang hrangte neih turin an rawt a ni.
Chapchar Kut denchhen hian Industries Department leh a kaihhnawih ten handloom & handicraft pho chhuahna, Information Department huaihawtin, Lemziak thiamte kutchhuak leh thlalak hlui leh thar pho chhuahna, Art & Culture buatsaihin Mizo ladeh hrang hrang, bel vuak, Mizo rimawi hrang hrangte live in pholan leh thang chi hrang hrang tarlan te nise tih an rel a, Flower Show (Panngpar entirna) Horticulture Department huaihawtin neih nise an ti bawk.
Kumin Chapchar Kut Miss leh Mister thlanna atan Aizawl Branch YMA hrang hrang atangin nula leh tlangval 2 theuh thawh chhuah nise tiin, a endiktu tur pawh an ruat nghal bawk a ni.
