Vawiin ni 1st March, 2013 Chapchar Kut hian Mamit GSA Khelmualah hlim takin hman a ni a. Pu V. Lalrobiaka MLA chu KUT PA niin he hun hi a hmanpui.

Kut Pa Pu V.L.Robiaka MLA chuan Hnam kan nihna anga kan chhawm nun zel tur kan Kut hlimawm tak Chapchar Kut hmangtu zawng zawngte duhsakna chibai a buk a. Kut Pa chuan chhiatni thatni-a Mizo tlawmngaihna lantira tanpui thin kan nihna hi a ropui a, Mizo nih ti nuamtu a ni tiin hei hi chhawm nung zel turin Kut hmangtute a ngen a. He Kut hi hlimna leh inhmanngaihna lantirna Kut anih angin vawiin ni ah hian chu chu kan lan tir theuh a pawimawh a ni a ti.

Kut Pa Pu Robiaka chuan Mizovin Kut pawimawh tak tak kan neihte leh kan hnam nunphung leh zia thlauhthla lo zawnga hmasawn a tul thusawiin hemi kawngah pawh sorkarin theihtawp a chhuah a, mipuite pawhin kan tawiawm a tul a ni a ti bawk.

Chapchar Kut hmang tura lokal rual u zawk te leh upate hi vawiin niah kan chawimawi che u a ni tiin duhsakna a hlan bawk. Chapchar Kut 2013 Mamit a hmanna hi Pu H.Vanlalhlua President Sub Hqrs YMA in kaihruaiin he hunah hian hnam lam chi hrang hrng, Khuangchawi, Khuallam, Costume Parade, Cheraw, Phenglawng tum, Fiamthu te leh Mizo ladeh te entir a ni a. Zaithiam tak tak te zai ngaih thlak a ni bawk.

Chawhnu lamah Concert a hun hman zui a ni bawk.