Vawiin chawhnu dar 1:00 khan Art & Culture Minister Pu P.C. Zoram Sangliana pisa-ah Chapchar Kut 2013 Organising Committee an thukhawm a. He meeting hian Chapchar Kut hman dan tur atana programme committee in a lo duan chu ngun takin an ennawn a ni.

Minister chuan, “Mizo mipuiten kan Kut puiber hi kan hlut zual deuh deuh theihna turin mipuiten kan hlutsak a pawimawh a. Chutiang bawkin mipui tam zawk kan tel ve theihna turin programme kan duan thiam a pawimawh a ni” a ti a. Mizoten kan hnam rohlu leh ziarangte kan bosal lohna tura kawng engkima tan lak zel hi mitinin kan mawhphurhnaah i ngai ang u, a ti bawk.

Organising Committee chuan Chapchar Kut 2013 chu ni 28 February leh 1st March ah hman nise tiin a rel a. Programme duan sa chu programme committee in lo ennawn leh se tiin a rel a ni. He meeting-ah hian committee member, official leh pawl aiawhte an tel kim hle a ni.