Vawiin chawhnu dar 1:00 khan Art & Culture Minister Pu P.C. Zoram Sangliana hovin Chapchar Kut 2013 hman dan tur programme final turin a pisa ah meeting neih a ni. He meeting-ah hian programme committee member-te an kal kim hle a; Chapchar Kut chu mipui huapzo thei ang bera hman anih theihna turin item hrang hrang thlanchhuah anih bakah, inbuatsaihna kal mekte sawiho a ni.

Chapchar Kut hi 28th February leh 1st March ah te AR Ground-ah hman tur a ni a, a ni khatnaah hian Mizoram Governor chu khuallian a ni ang a, a nihnihna ah Pu P.C. Zoram Sangliana chu Kut Pa a ni ang. Chapchar Kut hi Aizawl bakah district khawpui zawng zawng ah leh khawpui dangah te uar taka hmang tura ruahmanna siam a ni.