Vawiin chawhma dar 11:00 -ah tanin Pu R. Romawia, Chairman kaihruaina hnuaiah a office chamber-ah Kum 2014 Chapchar Kut hman dan tur ngaihtuah in meeting neih a ni. Kum 2014 Chapchar Kut thlengtu tur hi Pu R. Romawia, Hon’ble Minister, Art & Culture a ni ang a, Kut Pa-ah Pu Lal Thanhawla, Hon’ble Chief Minister a ni ang.

Kum 2014 Chapchar Kut hi 7-3-2014 (Friday)-ah Sipai Lammual-ah hman a ni ang. He ni atana thil tul leh pawimawh chi hrang hrang meeting hian a ngaihtuah a ni. Kumin Chapchar Kut denchhen hian Art & Craft Fair, Food Fest, Painting & Photo Exhibition leh Bamboo Day te ruahman a ni. Heng bakah hian Power Supply, Medical arrangements leh Sanitation chungchang bakah hemi ni a Lammual a thil tul tur chi hrang hrangte ngaihtuah leh thlirhona neih a ni bawk.

A hma ni remchangah Kut chairman in Kut thuchah sawina a nei ang a; DDK, AIR leh Local Cable ah te pek chhuah a ni bawk ang. Kut urlawkna Chaltlang Tourist Lodge-ah a hma ni in Tourism Department in a buatsaih bawk dawn a ni. Chapchar Kut ni hian a tam thei ang ber mizo incheina a mitinte in thuam tur in Chapchar Kut organising committee chuan a ngen a ni.