Mizoram Governor Pu Vakkom Purushothaman chuan vawiin khan Kendriya Vidyalaya School Annual Function Day an school hmun a an neih chu a hmanpui.

Governor chuan Kendriya Vidyalaya school hian zirna pek lamah hna pawimawh tak a thawk thin a, KV School , Aizawl pawh hian result tha tak tak a nei thin chu lawmawm atih thu a sawi. Kendriya Vidyalaya te hi sawrkar laipui a hnathawk insawnkual thin fate tana buatsaih aniin lehkha zirna pek mai bakah hnam inpumkhatna lamah zirna a pe thin chu Governor chuan fakawm a ti a. School naupang te chu an nakin hun tur hi an kutah a awm avangin, eng kawng nge an zawh tur chu fimkhur takin thlan thiam turin Governor chuan a chah.

Kendriya Vidyalaya hmun hi Zemabawk ah a awm, tunah hian zirlai naupang 980 an awm.