Vawiin chhun dar 12 : 00 khan Saiha-a Chapchar Kut-2016 hman dan tur ngaihtuahin Pu R.Zarzosanga IAS, Saiha District Bawrhsap hovin DC’s Conference Room, Saiha-ah meeting neih ani.
He meeting hi Pu R. Zarzosanga IAS Saiha District Bawrhsap leh Chairman, Saiha District Chapchar Kut Committee nibawk chuan mizote Kut pui ber Chapchar Kut chu hlim leh uar taka hman anih theih nan tlawmngai pawl hrang hrang hruaitu te leh department hrang hrang hotute chu hmala turin a sawm a ni.
He meeting hian he Chapchar Kut-2016 lawm dan tur programme hi duang lawk nghal in Kut Pa atan Pu R.Zarzosanga IAS District Bawrhsap chu a ruata, Kut thlengtu atan Pu N.Chakhai MCS, Additional Deputy Commissioner chu a ruat bawk. He Chapchar Kut hi chawhma dar 11 : 00 ah District Playground, Saiha Vengpuiah hman nise Kut hawnna hla sa turin Joint Y.M.A. Saiha te ruat an ni. Kut Pa in Kut hawnna leh thusawina a neih hnu in Hlado chham turin Pu C.Sangmanga, New Saiha chu ruat ani. Hnam incheina hrang hrang entir turin M.CH.P., M.H.I.P., L.W.A., te leh M.U.P. te ruat an ni a, naupang pawnto entir turin School hrang hrang heng- Adventist English School, Presbyterian English School, Grace Academy, Beaulah English School, Little Diamond School, Ryusa Memorial School, Don Bosco School, Joel Public School, Hill Gate School te leh Children Training School te ruat an ni. Hnam lam chi hrang hrang entir turin YLA,MGYA,YMA,MTP,MYA leh MHIP te beisei an ni a, he Ni ah hian mi zawng zawng te huap in Chai Lam hmuhnawmtak entir anih dawn bakah programme karlak ah zaithiam tak tak te zai ngaihthlak ani dawn ani.
He Ni hi hlawhtling taka hman anih theih nan Chapchar Kut Sub-Committee din ani a, he Committee hian chak takin hma an la nghal dawn ani. Sawrkar atanga he Kut lawmna atana sum hmuh mai bakah department hrang hrang te chu thawhlawm thawh theuh tura ngen an ni.
