Chapchar Kut ni 4. March, 2016 hman dan tur leh thil sawi ho ngaite sawi hovin vawiin khan DC Conference Hall, Mamitah Pu H. Lianzela, Addl D.C., Organising Committee Chairman hovin khawpui chhunga tlawmngai pawl hruaitute, YMA, MUP, MCO, MZP leh MZI aiawhte an thukhawm.

Vawiin thutkhawmah hian Chapchar Kut 2016 chu ropui takin GSA Playground Mamit-ah, chawhma dar 11:00 hman ni se tih a rel a niin. Kut lawmna atan hian sawrkar Department leh Tlawmngai pawl te chanvo siam a ni a, Khawpui chhung YMA Branch tinin Cheraw lam a huhova entir nise, hei bakah hian YMA branch tin te leh MCO, Mamit te Mizo hnam lam an entir tur bik theuh ruahman sak a ni a bawk. Chapchar Kut 2016 hman na tur atan hian Mamit khawpui chhung mai bakah District chhunga khaw dangte pawh a remchan dan anga hnam lam entir tura sawm nise, Zaia mipui awi turin Khawthlang Lelte Top 3 te bakah Zaithiam dang te sawm ni bawk se tih a ni bawk a. Kut lawmna atana ruahmanna leh chanvo in tuk te hi ti hlawhtling theuh turin Organising Committee chuan mawhphurhna hrang hrang neitute chu a sawm a ni.