No.7696/2020-2021
Date 5th March, 2021 hi Mizoram State sawrkar Calendar angin Chapchar Kut, 2021 hmanna hun tur a ni a. Kolasib District chhunga Executive Magistrates ni 23.2.2021 a thukhawm chuan; tunlai khawvel pum huap hripui Covid-19 leng avangte, hemi avanga Mizo-Kristian ten kan hunpui ber Krismas & Kumthar lawmna pawh, kan hman mumal theih loh lai hian leh Covid-19 pawh darh huk palh thei dinhmuna kan la din reng lai hian, Chapchar Kut 2021 hman dan tur chungchangah hetiang hian ngaihdan a siam a ni.
1) Chapchar Kut, 2021 hi kum dang a District pum huap a kan hman ang kha tun kumah chuan hman loh nise.
2) Chapchar Kut hi Mizote hunpui leh kan hnam nun a thil pawimawh tak a nih avangin hemi ni hian; chhungtin a remchang leh duh apiangin mahni inah, Chapchar Kut hlutna tizual thei chi leh Mizo hnam nun chawisanna leh tih phuisuina lam chi zawngin hman tum nise, entirna;
- Chapchar Kut chhangban/Cake buatsaih.
- Chapchar Kut puala eitur/zanriah tuihnai deuh buatsaih a chhungkua in Mizo zia inhrilh chhawnna hun hman.
- Mizo hnam inthuamna chi hrang hrang, khawilo vah chhuah naah inbel leh a thei tan chhungkuaa hnam incheina nen a thlatak ho leh hriatrengna (memento) siam.
- Tlawmngaihna leh mite tana inpekna lam hawia mimal leh chhungkua anga luan chhuah, a harsa zawkte tanpui.
Hemi ni hian tanpui ngai pakhat tal tanpui ngei tura, mahni theih ang tawk tawk a hmalak nise.
