No.7697/2020-2021       

Vawiin chawhma khan  ni 30 chhung awh tur, Virtual Tribal Art Development Workshop, Minisitry of Tribal Affairs Govt. of India leh Social Welfare & Tribal Affairs Department tangkawp buatsaih chu Pi A. Vanlalzawni, Director, Social Welfare & Tribal Affairs Department chuan Aijall Club, Conference Hall ah a hawng.

He hunah hian Pi A. Vanlalzawni, Director, Social Welfare & Tribal Affairs Department chuan Tribal Art  tihhmasawnn tum a nih thu te leh Mizo thalaite tana ngaihven chi a nih thu te leh fuihna thu a sawi a.Tribal Art Development Workshop thawhkhatna kalpui turah hian Hnahthial District tihloh District dang 10 atangin mi 110 tel turin an inziak lut a, tel tur inziak lutte mipa 76 leh hmeichhia 34 te an ni. Lemziahna hmanrua Artist ten an thlan ang zelin tumsak an ni a. A tel zawng zawng hnenah hian  Certificate leh Cash award Rs 1600 pek an ni dawn a, lemziak thehluh atanga Top 10 thlan chhuah atangin trophy hlan leh a ni ang. Virtual Tribal Art Development Workshop a tel turte hi Group 6 ah then an ni a, March ni 8 atangin an tana hun ruat zelah online in an inlan ang a, Resource Person ten Virtual Room, Aizawl Art Gallery atangin an vil dawn a ni.

Virtual Tribal Art Development Workshop hawnna inkhawm hi Pu Laltanpuia, Chairman, Aizawl Art Gallery chuan a kaihruai a. Mary Zothansiami, Programme Co-Ordinator in Workshop kalpui a nih chungchangah  report a pe bawk a ni.