Kumin Chapcharkut lawmna denchhena Chapchar Kut Art Fest 2009 I&PR Dept. leh Aizawl Art Gallery ten Vanapa Hall ah an buatsaih chu vawiin khan Art & Culture Director Pi Boichhingpuiin a khar ta.
 
 
He kharna hun tawite hi Pu Vanneihthanga’an a kaihruai a, khuallian Pi Boichhingpui chuan thu sawiin hnamfing leh changkang a piangin Fine Art an ngaisang a ram leh hnam ropui  tehna langsar leh pawimawh tak chu an Fine Art ah a ni a ti a. Chung an Fine Art ropui tak tak te chu humhalhin mi tam takin an tlawh thin a ni a ti. Mizote hi Fine Art leh Folk Art ah kan hausa vak lova, a hlutna pawh tunhnaiah hian kan hre thar ve dawn chauh a ni a ti.

Pi Boichhingpuii hian Mizoram a Artist te hmasawnna a tan kawng hrang hrangin hma an lak kual dan te a tar lang a. Painting Exhibition te buatsaih sakin State pawnah  Workshop a tel tur tein Artist engemaw zat an thawnchhuah thu a sawi a. Amaherawh chu kan Artist te hian an lemziahte hralh chhuahna kawngah harsatna nasa tak an tawk thin a, chuvangin Artist te pawhin tualchhung duhzawng ang chauh ni lovin ram pawn mite hlut zawng an phochhuah thiam a tul a ni a ti.

Pu Laltanpuia, Aizawl Art Gallery neitu pawhin thu sawiin he Chapchar Kut Art Fest chhung hian Art Media hrang hrang Drawing, Painting, Clay Modelling, Collage, Glass Painting, Theory leh Art Histry te mi 78 zetin an zir a. Kum 16 hnuai lam Junior Group 38 leh Kum 16 chunglam Senior Group 35 leh Professonal Artist 5 zet ten a tawp thlengin an tel thei a. Kolkata atangin Pu Malloy Das, LNF in a rawn telpui bawk a, LR. Multi Media in Graphic Art an en tir bawk a ti.

Khuallian hian Competition a tel ti tha te Senior Group ah Pakhatna  K.Lalpanliana Thingsulthliah Pahnihna Laltlanchhuaha, Ramhlun South, Pathumna M.S.Dawngliana, Vaivakawn leh Junior Group ah Pakhatna Anjela Lalruatfeli, Pahnihna Roselin Lalmuanpuii Pathumna Prisila Lalparmawii te hnenah lawmman a sem a. Heng lawmman te hi Vansanglura Memorial a tan Dr. Vanlalsiama te chhungkua leh Samuel Hmingthansang a Memorial a tan Pu C.Remtluanga te chhungin an tum sak a ni.
 
 
 
 
 

Attachment

  • Loading attachment...