Vawiin  zing dar 11:00 a.m. khan A & C Minister, Pu P.C. Zoram Sangliana hovin a Office Chamber-ah Chapchar Kut Committee an thukhawm a. Kumin March Ni 13, 2009 Chapchar Kut ropui taka lawm dan tur an thlir hova. A lawmna sum senso pawh Rs. 10 lakh Revised Estimate-ah dil belh an rel nghal. Kum dang ang bawkin C.Y.M.A. te nen tangrualin Sorkar tharah he Kut Mizo ten kan hlut ber hi buatsaih tur a tih a ni. District tinah Rs. 50,000/- theuh budget siamsak ni sela, hengah te hian Programme hlimawm tak buatsaih nise tih a ni bawk.

Aizawlah chuan sipai lammualah Kut lawmna ropui taka neih turah Chief Minister, Pu Lai Thanhawla chu Kut Pa tura beisei a ni. Rampawn Tripura leh Manipur atangin Zohnahthlak unaute rawn tel tura beisei niin M.H.I.P. in Costume Parade an entir bawk dawn a, heng bakah hian detail programme-ah item hlutawm tak tak duang zelin la thut leh tur a ni. Chapchar Kut Committee-ah hian hengte hi an tel.

1.    Pu Nghakhanmawia                Secy,A&C
2.    Pi B oichhingpuii                    Director, A & C
3.    Pu J.H. Zoremthanga               President, C.Y.M.A.
4.    Pu R. Lalngheta                Fin. Secy, C.Y.M.A.
5.    Pu K. Malsawma                Vice President, M.U.P.
6.     Pu James Lalchhuanawma        President, M.C.O.
7.      Pi Rozami                        President, M.H.I.P.
8.       Pu R. Hmingthanzuala            Dy. Director, A&C
9.       PuT.C.Lalkhuma                Superintendent, A&C