Vawiin chawhma dar 11:00 khan 2nd Bn. MAP Ground, Luangmual-ah Pu P.C.Lalthanliana, MOS chuan 62nd Batch Recruitment Constable 120 Passing Out Parade a hmanpui.

Thu sawiin Minister chuan ram leh hnam chhan tura inpe Police te chhel taka training nei a, Pathian hruaina changa hlawhtling taka training nei zo a Passing Out Parade an hmang thei chu lawmawm a tiin duhsakna a hlan a ni. Minister chuan Parade Salute te chhanna neiin a sawi zelna ah Police te chu mahni inthunun thei mi, India ram leh Mizoram tana mi chhuanawm leh mipui vengtu tur an nih hrereng a rinawm leh taima tak leh huaisen taka thawk tur in a duh thu a sawi a. Khawi hmunah pawh sawrkar in kal tul a tihna apiang ah duty zel thei turin an in pekna a pawimawh thu a sawi bawk. An thutiamte englai pawh a hrereng a, a tul hunah hrehawm tuar a englai pawha inthlahdah lo turin a fuih. India ramah Mizo rilru pho lang a hnam chawimawi tu ni turin rilru, finna leh nunna an hlan a ngai a ni, a ti. Sipaite chu raldo tur an nih avangin tun damchhung khawsakna hian a tul hunah chuan a tibuai tur a ni lo, a ti.

Khaw tha tak karah Passing Out Parade hi ropui taka hman a ni.