Hmundang rualin vawiin khan Lawngtlai ah Chapchar Kut ropui taka hman a ni, Puan tawh angin, Lawngtlai ah hian Chapchar Kut hman rualin Lai Hnam Kut Hlukhla Kut hman tel a ni a,KutPaatan Pu C.Ngunlianchunga CEM, LADC hman niin, Kut thlengtu atan PuB.LalhmingthangaDC, Lawngtlai hman a ni.

Kut thlengtu Pu B.Lalhmingthanga chuan Kut hmangtu zawng zawngte chu  hlim taka kut hmang turin duhsakna a hlan a, Chapchar Kut leh Hluk hla chanchin tlangpui a sawi bawk, Kut Pa Pu C.Ngunlianchunga chuan Chapchar Kut leh Hluk Hla kut hi hawngin Pi leh Pu hunlai atanga Chapchar kut hmandan leh Lai Hnam ten hluk Hla Kut chu Lai Culture a dinhmun pawimawh tak luahtu a nih thu a sawi a, Hnam Culture hlui humhalh duhna chu puipun ni leh hun pawimawh a entir a hman a ni thin a, a entirtute nun a hruai sual loh chuan Kohhran tan ngaih pawimawh tham a nilo a ni a ti a, Zu leh Sa leh nawmchhenna nen a inkawp a hman a nih erawh chuan Kohhran mite tan telna chi a ni lo ang a ti.

Kut ah hian Hnam ziarang pholang thei lam chi hrang hrang entir a ni a, Sarlamkai chu Downtown English School naupang ten an entir a, Cheraw, Ngurnunsangi English School ten entirin, Chawnglaizawn chu J.J. English School leh Don Bosco SChool ten thiam takin an entir bawk a, Inkawibah, LWA leh MHIP ten entirin, Chheihlam chu JNV School Sihtlangpui ten an entir thung. Raw-kha-thlak chu Lawngtlai-3 YLA ten entirin, Pawh-loh-tlawh chu Central YLA ten an entir bawk. MHIP ten tun hma atanga tunlai hun thleng Custome Parade an entir a, Bru Students Association ten Bru Hnam lam hmuhnawm tak an entir bawk.

Vawiin Kut ah hianCentral YLAte huaihawtin Chhawnghnawh neih a ni a, MJA leh LWA te huaihawtin Kut Miss thlan niin, Kut Miss atan Mercy Remsangmuani Lawngtlai-3 chu thlan a ni. Kut hmanna ah hian zaithiam tak tak ten mipui an awi reng a, Fiamthu thiam Tv Lalhlimmawia Thingkah chuan kalkhawmte a chhawk hlim bawk.

Pu Thangchem Zathang Project Director DRDA, Kut Organising Secretary chuan lawmthu sawiin  Kut hi vawiin chawhnu khan a tiak fel a ni.