Vawiin khan DC Conference Hall Mamitah Pi Lalbiaksangi, District Bawrhsap hovin Chapchar Kut Organising Committee chuan March Ni 3, 2017 a Mamit khawpui chhunga Chapchar Kut hman dan thlirletna neiin an thukhawm.

Meeting hian Kumin Chapchar Kut hlawhtlinna tura chanvo hrang hrang neiten tha taka an tihhlawhtling thei chu lawmawm a ti hle a, chutih ruala kum kal leh zel tura ruahmanna thazawk a awm theihnan Chapchar Kut Ni-a dawhsan (Stage) siam dan te, Mizopa in sak (Traditional Hut) chungchang te, pawisa hmanralna leh senso bakah Programme tlangpui thlirletin hmasawnna tur awmte sawiho zui nghal a ni.

Meeting-ah hian Kut Pa atana bialtu MLA leh Minister ni bawk Pu John Rotluanglianan min rawn hmanpui thei leh GSA Playground Pavilion sakna tur atan leh Luangpawl Branch YMA te tan tanpuina a pek turah committee chuan Bialtu Minister chungah lawmthu a sawi.

Vawiin Chapchar Kut hman dan thlirletna Meeting-ah hian Pu H.Lianzela, Addl.DC, Pu Vanlalhmachhuana, SDC, Pu Lalropuia Hmar, EE, PHE, MZI Mamit, Sub- Hqrs YMA hruaitute bakah Branch YMA tin atangin aiawh an tel bawk a ni.