Vawiin khan Chapchar Kut 2020 Programme Committee chu an Chairman Pu R.Hmingthanzuala, Director, Art & Culture Department hovin a pisaah an thukhawm.

Kum 2020 Chapchar Kut chu ni hnih (2) chhung (5th & 6th March, 2020 )a hman turin vawiin hian Programme Committee hian hman dan tur tlangpui an rel a. Kumin 2020 Chapchar Kut hmanna hmun atan Sipai Lammual ruat a ni leh a, he hunah hian MHIP Gen. Hqrs. chuan Siktuithiang lam an entir ang a, MUP Gen Hqrs. in Lengkhawm Zai, Central YMA in Mizo Infiamna chi hrang hrang te a takin an entir bawk ang. Programme Committee thu rel te hi Chapchar Kut Organising Committee pawmpui turin chhawpchhuah leh tur a ni.