No.4148/2021-2022
Aizawl, 1st March, 2022 : Mizote kut pawimawh tak ‘Chapchar Kut’ chu March ni 4, 2022 (Zirtawpni) hian hman turin Mizoram sawrkar calendarah tarlan a ni a. Amaherawhchu, COVID-19 hripui leng vangin kum danga ropui taka lawm thin a nih ang khan lawm a remchang dawn lo a ni. Hetiang a nih avang hian Mizoram sawrkar chuan Mizoram sawrkar hnuaia Department hrang hranga thawkte, Public Sector Undertakings, Boards, Bodies leh Agencies hrang hranga thawkte chu March ni 3, 2022 (Ningani) hian Mizo thuam inbel a pisa kai theuh turin a ngen a ni.