Nimin tlai dar 2:00 atang khan Chapchar Kût Committee chuan Pu P.C.Zoramsangliana, Minister i/c Art and Culture, etc. kaihhruaina in a office chamber-ah Chapchar Kût 2009 thlirletna an nei a. I & PR Department in Chapchar Kût 2009 slide show a buatsaih chu thlir ho a ni bawk.

 

 

He Committee ah hian Chapchar Kût 2009 hman dana tha lo/fel tawk lohna point hrang hrangte thlir hovin, chung thil fel tawk lohna te chu in siamthat nana hmanga Chapchar Kût changtlung zawk a hman zel dan turte rel a ni.

Pu P.C.Zoramsangliana, Minister, Art & Culture etc., Chapchar Kût 2009 thlengtu leh he Committee chairman chuan tun tuma Aizawl-a Chapchar Kût programme chu ‘Haleluia Chorus’ atana thalai sang telin ‘Kan ram Krista kan pe’ ti a an zai aw rawl han hriat chu Kristian te tih awm tak a ni a, a lawmawmin a ropui takzet a ni, a ti. Pu Zoramsangliana chuan a changtu Minister leh Chapchar Kût Committee Chairman a nihna angin, Chapchar Kût 2009 programme hlawhtling taka hman a nih theih nana department, pawl leh mimal ang te a tha leh zung thawhtute zawng zawng chungah lawmthu a sawi a ni.