Ni 3/4/2009 zan dar 6 khan Health Minister Pu Lalrinliana Sailo chuan Mizoram tana chhenfdakawm tak tur Mizoram State Pharmacy Council, Drugs Information Centre ni bawk Office chu a hawng ta.
Hawnna inkhawm hi Tourist Lodge, Chaltlang ah neih ani a, Pu Lalsawma Pachuau, Assistant Drug Controller leh President,Mizoram State Pharmacy Council ni bawk chuan a kaihruai a, Khuallian Pu Lalrinliana Sailo chuan Damlo te tan leh Doctor leh mipui, ramin tangkai taka a hman atan Mizoram State Pharmacy Council Office, Drugs Information Centre ni bawk chu lawm takin a hawng a, hawnna a neih zawh hian thusawiin Health Minister chuan hmasawnna duhawm tak Mizoramin a neih belh leh avangin lawmthu a sawi a, hengte hi a tihchangtlun chhoh zelna tur ah tanlak zel ani ang ati. Ramin hma a sawn zel a, chutiang bawk chuan keini ngei pawn kan chhawr mek a, hetihlai hian hnathawktu, a bik takin Medical lama thawktu te ngat phei chu englai pawh a chawllova inchhiar zau a, in update reng a tul thu sawiin, vawiin a tha kha nakin lawkah chuan a aia tha zawk te alo chhuak fo thin ani tih sawiin, Health Department hnuaiah hian Programme hrang hrang buaipui tham a tam hle a, mahni hmazawn theuh a awm heng hna hrang hrang te hi rinawm tak leh dik taka kan kalpui phawt chuan hmasawnna duhawm tak kan neih ngei a beisei thu leh hetiang hi tihlawhtling ngei tura theih tawp chhuah a tum thu sawiin, hnathawk tha duhlo leh hlemhle te chu dim anih dawnloh thu a sawi. Tin, kan nitin hnathawhna ah inrintawnna leh thawhhona tha kan neih tul atih thu sawiin, mipui te'n min beisei ang ngeiin rah duhawm tak kan chhuah ngei tur ani a ti bawk. He Office thar hi mipui ten tangkai zawk a an chhawr ngei a beisei thu a sawi bawk ani.
Khualzahawm Dr.Lalengi Khiangte, Director of Health Services(Rtd) leh MSPC President hmasa ber ni bawk pawhiin thusawiin, hetianga Office hial hawn theih a alo awm ta hi lawmawm a tih thu leh Health Minister viak tha leh taima, mi inzirmi tak kan neih avangin nasa leh zuala hma kan sawn ngei a rin thu a sawi a ni.
Pu Lalhmingliana, MSPC Registrar leh Secretary ni bawk chuan report pe in Mizoram State Pharmacy Council hi kum 1995 a din aniin, 1997 khan rules te pawmsak an nih hnu kum 2003 khan atakin hman ani ve ta a, MSPC hian Pharmacist zirchhuakte hnenah Registration an pe chhuak thin a, tunah hian mi 280 zet chu MSPC ah hian an in registered tawh nghe nghe, Tin, Pharmacy zirna kan neih chhun RIPANS ah Pharmacy Council of India te nen Joint Inspection an nei thin bawk.Damdawi lam reng reng kaihnawiha mawhphurtu ber annih thu a sawi. Tunhma pawhin kalphung fel tak nei a an lo kal thin dan sawiin hetianga Office hial te hawn alo nih takah chuan tunaia mumal leh chak zawk a an kal ngei a beisei thu a sawi lang tel bawk
Mizoramin a Pharmacy lama Doctorate Degree kan neih Dr.H.Lalhlenmawia, Vice President, MSPC pawhin Drug Information chungchang sawiin Drugs Information Centre hi Mizoram a la awm ngai lo niin, he center ah hian Doctor te'n Damlo te hnenah an damdawi mamawh ang ngei an chawh theih nan atangkai hle dawn ani tih sawiin, Medical Prescription Software leh Damdawi chi hrang hrang zawnna software dah ani dawn tih sawiin Doctor ten an damlo enkawl te tan atangkai dawn mai bakah mi tupawh Damdawi lam chungchangah zawhna nei tan englai pawhin mahni ngei kalin emaw Telephone hmangin emaw zawhfiah theih reng anniin, he centre enkawl tur hian Pharmaceutical Graduate dah anih thu a sawi bawk, Hrechiang duh tan Mizoram State Pharmacy Council cum Drugs Information Centre, 1st Floor, K.Lalhluna Building, Zarkawt, Aizawl, Phone 2306497 ah emaw E-mail :mspc.aizawl@gmail.com ah englai pawhin tlawhpawh theih reng anih thu a sawi.
He hun ah hian Health Department Officer te mai bakah Private Hospital thenkhat te pawh an kal a, Dr.Lalbuatsaiha leh Dr.Lalthanpuii Hnamte, Director, RIPANS te'n thusawina an nei bawk, Pu Lalsawma Pachuau, Asst. Drug Controller in lawmthusawina neiin hun hnung a khar ani.
Khualzahawm Dr.Lalengi Khiangte, Director of Health Services(Rtd) leh MSPC President hmasa ber ni bawk pawhiin thusawiin, hetianga Office hial hawn theih a alo awm ta hi lawmawm a tih thu leh Health Minister viak tha leh taima, mi inzirmi tak kan neih avangin nasa leh zuala hma kan sawn ngei a rin thu a sawi a ni.
Pu Lalhmingliana, MSPC Registrar leh Secretary ni bawk chuan report pe in Mizoram State Pharmacy Council hi kum 1995 a din aniin, 1997 khan rules te pawmsak an nih hnu kum 2003 khan atakin hman ani ve ta a, MSPC hian Pharmacist zirchhuakte hnenah Registration an pe chhuak thin a, tunah hian mi 280 zet chu MSPC ah hian an in registered tawh nghe nghe, Tin, Pharmacy zirna kan neih chhun RIPANS ah Pharmacy Council of India te nen Joint Inspection an nei thin bawk.Damdawi lam reng reng kaihnawiha mawhphurtu ber annih thu a sawi. Tunhma pawhin kalphung fel tak nei a an lo kal thin dan sawiin hetianga Office hial te hawn alo nih takah chuan tunaia mumal leh chak zawk a an kal ngei a beisei thu a sawi lang tel bawk
Mizoramin a Pharmacy lama Doctorate Degree kan neih Dr.H.Lalhlenmawia, Vice President, MSPC pawhin Drug Information chungchang sawiin Drugs Information Centre hi Mizoram a la awm ngai lo niin, he center ah hian Doctor te'n Damlo te hnenah an damdawi mamawh ang ngei an chawh theih nan atangkai hle dawn ani tih sawiin, Medical Prescription Software leh Damdawi chi hrang hrang zawnna software dah ani dawn tih sawiin Doctor ten an damlo enkawl te tan atangkai dawn mai bakah mi tupawh Damdawi lam chungchangah zawhna nei tan englai pawhin mahni ngei kalin emaw Telephone hmangin emaw zawhfiah theih reng anniin, he centre enkawl tur hian Pharmaceutical Graduate dah anih thu a sawi bawk, Hrechiang duh tan Mizoram State Pharmacy Council cum Drugs Information Centre, 1st Floor, K.Lalhluna Building, Zarkawt, Aizawl, Phone 2306497 ah emaw E-mail :mspc.aizawl@gmail.com ah englai pawhin tlawhpawh theih reng anih thu a sawi.
He hun ah hian Health Department Officer te mai bakah Private Hospital thenkhat te pawh an kal a, Dr.Lalbuatsaiha leh Dr.Lalthanpuii Hnamte, Director, RIPANS te'n thusawina an nei bawk, Pu Lalsawma Pachuau, Asst. Drug Controller in lawmthusawina neiin hun hnung a khar ani.
