No.6651/2020-2021
Pu Lalhmachhuana State Project Director, Samagra Shiksha, School Education Department chuan Covid-19 lockdown chhunga zirna lama a hnathawh leh hmalakna avangin Sri Aurobindo Society chuan chawimawina a hlan dawn. He chawimawina hi Sri Ramesh Pokhriyal 'Nishank' Education Minister, Govt. Of India chuan a hlan dawn a ni.
Hrileng inkharkhip chhunga zirna lama a hnathawh leh hmalakna te chu Innovation & Leadership Casebook - Covid Edition tih Sri Aurobindo Society ten an siamah tarlan a ni ang. He e-book hi zirna kawnga danglamna thlentu puanchhuahna a ni.
Covid-19 lockdown puan hnuah zirna pangngai chhunzawm theih anih tak loh avangin zirlaiten in lam atanga zirtirna an dawn theih dan tur chu School Education Department chuan a ngaihtuah a. April 13,2020 atang khan DDK Aizawl, LPS leh Zonet-ah te tuitorial class tih chhuah a ni ta a. Zirlaiten nitin Pathianni tel lovin TV atangin zirtirna an dawng thei ta a ni. Heng bakah hian Week wise plan chu July 8,2020 atang khan kalpui a ni leh ta bawk.
School Education Department hian InSPA Educational Excellence Award 2020 chu November thla tir khan a dawng bawk a. Covid-19 hrileng karah zirlaiten rilru hrisel an put theih dan tur kaihhruaina chungchangah zirtirtute chu Indian School Psychology Association InSPA te nen online seminar te an neihpui a, Middle School, High School leh Higher Secondary zirtirtu thahnem tak he online seminar ah hian an tel a ni.
