DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/dan-lova-foreign-bike-lakluh-khapnap

DAN LOVA FOREIGN BIKE LAKLUH KHAPNA

No.6650/2020-2021

Dated Serchhip, the 24^th November, 2020: Pu Kumar Abhishek, District Magistrate chuan Mizorama Kenbo Bike lakluh leh hman khap anih thu a hnuai ami ang hian hriattirna a ti chhuak.

Mizoram hmun tam tak, a bikin Myanmar ramri hrul khuaah te hian China siam Kenbo Bike mi thenkhatin an kawl tih hriat a ni a. Hetianga Foreign bike Myanmar atanga Mizoram chhunga dan lova lak luh hi phal a ni lova.

Heng Kenbo Bike te hi dan kalha lakluh an nih mai bakah mi thenkhatin sawrkar phalloh thil phurh velna atan an hmang fo thin tih hriat a ni bawk a. Ministry of Home Affairs lehkha No. F.1/5/2020-BM-II Dt. 25.09.2020 thupek angin Serchhip District chhungah Kenbo Bikes chelek leh hman khap tlat a ni a. Heng dan lova Kenbo Bike lo kawlte chu man sak an nih mai bakah, dan angin an chungah hremna chelek a ni ang.