Mizo Students’ Union (MSU) Shillong hruaitute te chu vawiin chawhma khan Pu H. Rohluna, Education Minister pisaah lengin, MSU Shillong-in MLA-a thlan thlin anih avanga lawmpuina thuziak citation an buatsaih chu amah an hlan a, chawhnu khan Parliamentary Secretary Pu T T Zothansanga pawh a pisaah lengin lawmpuina citation an hlan bawk a ni.
Pu H Rohluna chuan MSU Shillong-in lawmpuina an hlan chu a beisei phak bak a nih thu sawiin amah an lawmpui avangin lawmthu a hrilh a. Zirlai hruaitute chu an mahni zir lai ti bahlah lova, an mahni zirna theuh ngai pawimawh a, an zirlai puite hamthatna leh hmakhua te ngaihtuah thin turin a chah a. Zirna chu finna leh hmasawnna bul a nih thu sawiin Minister chuan an zirna kawnga an hlawhtlin chhoh zel theih nan duhsakna hlanin an zirna lamah theitawp chhuah turin a fuih bawk a ni. Pu H Rohluna hi kum 1979 khan St. Edmund’s College, Shiilong-ah BA zir tanin kum 1983 khan NEHU atangin MA (History) a zo a ni.
Heng chawimawina hlanna inkhawm hi B.Lalrintluanga, Vice President, MSU Shillong in kaihruaiin, President R.Lalramluahpuia’n chawimawina hi a hlan a ni.
Tarlan tawh angin MSU Shillong chuan January ni 30 2014 atang khan Inthlanpui 2013-a Shillong atanga zirchhuak MLA tling te hnenah chawimawina Citation hi lo hlan tan tawh in, Minister leh MLA engemawzat an hlan tawh tawh a ni.
