No.341/2020-2021
Mizorama a vawikhat nan Galvanised Bailey Bridge (180 ft span DDR) Chawmkai, Serchhip - Zawlpui Road a mi chu vawiin dt.14.4.2020 hian dawhkai fel a ni ta. Dirt wall leh Approach Road hi la tih ngai a ni a, tluang taka thawh a nih chuan April thla chhungin hnate hi zawh fel theih beisei a ni.
Pi C. Lalthlamuani, Sr. EE, PWD, Serchhip Division chuan Lockdown laia lei dawhna hmanrua leh thawktute lakluh phalna petu leh thawh phal saktu Mizoram sawrkar, Chief Secretary leh Home Department chungah lawmthu a sawi a. Lockdown lai ni mah se hna kal lai thawh phalna te, labour chawkluh phalna te hi sawrkar chuan a pe a ni.
Zawlpui leh a chhehvel zau hrang hrang atang hian kumtin thlasik thlai Rs. 300 Lakh chuang man thar ziah thin a ni a, Chawm Zau pawh an zinga zau lian pawl niin, Chawm zau piahah hian Chamdur Zau te, Thinglubul Zaute a la awm zel a. Heng Zau zawng zawngte hian Lei hi an chhawr tangkai vek thei dawn a ni. Chawm Zau mai pawh hi lui ram pharh zau tawk tak niin; tunhnaia Supply Chain Management hnuaia Aizawl lama thlai thar tam tak thawn thlak tak tharchhuahna pui ber pakhat kha a ni nghe nghe.
Chawm kaiah hian kum tluana lirthei zawh theih Lei tha a la awm loh avangin thalah chiah motor a lut a, loneituten harsatna an tawk nasa thin hle a, mihring kal kai theihna ngawr ngawr hrui lei erawh a awm thung. Hei pawh hi tuilianin a lak sak fova, a buaithlak thin hle a ni. He lei thar (Bailey Bridge) hi tha taka peih a nih chuan chhungkaw tam tak eizawnnain hma a sawn dawrh thei dawn a ni.
Attachment
- Loading attachment...
