April 9th, 2012 (Thawhtanni) khan SDO(C) Office, Chawngte-ah Pu M.H.James SDO(C) kaihhruaiin 12th-15th April, 2012 chhunga Biju kut hman dan tur chungchang thlirlawkna meeting neih a ni.

Meeting ah hian CYCA, YMA Chawngte ‘P’, YLA Chawngte ‘P’ leh Police lam atangin inunauna tha tak neih a pawimawh zia leh chutiang a nih theih nana thawh in huam theuh thu te sawi a ni a, Law and Order fel taka a kal theih Biju Kut hun chhungin Kamalanagar Bazar vel leh Kamalanagar to Chawngte ‘P’ lei (Bridge) vel hi Police duty ten ngun bika vil ni se, hnam zawnga thil a kal loh nan, Police leh NGO hruaituten a tul anga hmalak ho nise, YMA Chawngte ‘P’ lamin Chakma Biju Kut hmang/chhima kal an awm pawhin buaina siam lo tura hriatirna siam ni bawk se an ti a ni.