A vawi khatna atan 18th June, 2009 (Thursday) chawhma dar 10:30 khan District Disaster Managemant, Lawngtlai District bultumin Public School, Kamalanagar-I, Chawngte-ah chhriat rupna awm thei laka hriat tur chungchang inzirtirna, Sensitization Programme hman a ni a. He Programme hmanah hian Chakma Autonomous District Council (CADC) Member te, Officers te, khaw hrang hrang V/C thahnem tak bakah mipui tam tak an tel a ni. He hunah hian DM&R Minister Pu Nihar Kanti Chakma chu khuallian a ni a. Pu N.P. Chakma, M.L.A chu khual zahawm a ni.
He inkhawmnaa khuallian Pu N.K. Chakma chuan thusawiin generation lo awm leh turte awm dan tur hi tun generation-a mite kutah a innghat a. Mi tinin khawvel chhiatna hi tuar thei kan nih avangin fimkhur taka kan inbuatsaih a ngai a ni. Mizoram ah hian mi tlemte kan cheng a, chhriat rupna lo thleng palh thilah chimit mai tham lek kan ni a. Chuvangin tan kan lak a ngai a ni a ti. A sawi zelnaah kan ram leh hnam, khawtlang chhan nan kan in sak danah sawrkar dan ngaihpawimawh a, mithiamte thu kan zawm a tul thu a sawi bawk.
CADC Chief Executive Member Pu Kalikumar Tongchongya-in inkhawm a kaihruai a. Heng mite hnen atang hian thupui hrang hranga zirtirna ngaihthlak a ni. Pu Dominic Lalhmangaiha, Project Associate,UNDP, Pu Vanlaltanpuia, Field Officer, UNDP, Lawngtlai, Dr. Saingura Sailo, Jt.Director (A) AH&Vety Aizawl, Dr. B.D.Chakma, Executive Member,CADC.
He inkhawm zawh hian Sericulture Minister Pu N.K.Chakma chuan Sericulture Demonstration Farm, Chawngte-ami a tlawh nghal a. CADC Chief Executive Member, Bialtu MLA bakah D.S.O.Lunglei leh Executive Member te nen a hmunah Mulbery Farm tihchangtlun dan tur an sawi ho. A tuk ni 19/6/2009 tlai lamah Chawngte-ah AH&Vety hmun a tlawh bawk.
Minister hian ni 20/6/2009 khan a Department enkawl AH& Vety Lunglei hnuaia Lungpher Farm a tlawh nghal a. School of AH & Vety Science a zirlai tlawhin Ram leh Department tana chhenfakawm thiamna pawchhuak tura thahnemngai leh tih tak takna thinlung pua an zirlai te zir turin a fuih a, chumi hnuah Vawk leh Bawng vulhna hmun te a tlawh nghal bawk.
Minister hi Dr. Saingura Sailo, Jt. Director (A), AH&Vety, Pu Dominic Lalhmangaiha, Project Associate, Pu Vanlaltanpuia, Field Officer, UNDP leh Pu Lalremsiama, Dist. Sericulture Officer, Lunglei ten an tawiawm a ni.
CADC Chief Executive Member Pu Kalikumar Tongchongya-in inkhawm a kaihruai a. Heng mite hnen atang hian thupui hrang hranga zirtirna ngaihthlak a ni. Pu Dominic Lalhmangaiha, Project Associate,UNDP, Pu Vanlaltanpuia, Field Officer, UNDP, Lawngtlai, Dr. Saingura Sailo, Jt.Director (A) AH&Vety Aizawl, Dr. B.D.Chakma, Executive Member,CADC.
He inkhawm zawh hian Sericulture Minister Pu N.K.Chakma chuan Sericulture Demonstration Farm, Chawngte-ami a tlawh nghal a. CADC Chief Executive Member, Bialtu MLA bakah D.S.O.Lunglei leh Executive Member te nen a hmunah Mulbery Farm tihchangtlun dan tur an sawi ho. A tuk ni 19/6/2009 tlai lamah Chawngte-ah AH&Vety hmun a tlawh bawk.
Minister hian ni 20/6/2009 khan a Department enkawl AH& Vety Lunglei hnuaia Lungpher Farm a tlawh nghal a. School of AH & Vety Science a zirlai tlawhin Ram leh Department tana chhenfakawm thiamna pawchhuak tura thahnemngai leh tih tak takna thinlung pua an zirlai te zir turin a fuih a, chumi hnuah Vawk leh Bawng vulhna hmun te a tlawh nghal bawk.
Minister hi Dr. Saingura Sailo, Jt. Director (A), AH&Vety, Pu Dominic Lalhmangaiha, Project Associate, Pu Vanlaltanpuia, Field Officer, UNDP leh Pu Lalremsiama, Dist. Sericulture Officer, Lunglei ten an tawiawm a ni.
