Vawiin zing dar 7 khan Circuit House Conference Hall Lunglei-ah MP (LS) Pu C.L. Ruala hovin Press Conference neih a ni. MP chuan thusawiin tun inthlan neih zawh takah Pathian leh mipui duhsakna changa thlantlin a nih avangin lawmthu sawiin, chanchinbumite leh media hrang hrang duhsakna leh tawiawmna a dawn chungchangah lawmthu a sawi bawk a. Sorkar tawiawm a thawk ho zel turin chanchinbumite chu a sawm a ni.
A sawizelnaah Mizoram khaw 4 ah 100& vote a hmuh thu leh MLA constituencires 40 ah a vaia chawhruala vote 2000 chuanga a chak thu ah leh Mizoram voters tlem takah votes 100000 chuanga a chaknaah lawmthu a sawi bawk. Sorkar thar a piang chauha hmalakna a neih vak rih lo chungin Mizoram leilung hausakna haichhuak tura tan a lak nghal thu sawiin Chhimtuipui (Kolodyne) Phase II pawh ti puitling turin hmalak nghal a nih thu a sawi.
Company hrang hrang (foreign) thlengin Mizoram Oil leh Gas hausakna haichhuak turin hmalak a tum a ni, a ti. Mizoram buhfai harsatna chungchang pawh harsatna tawk lo tura theih tawpa hmalak anih thu a sawi. Lunglei khawpui chhung kawng chhia pawh PWD in an lak hma chu BRTF ho an theih ang anga siam tha tura hrilh an nih thu a sawi. Tualchhung chanchinbu leh media lama thawkte mi 21 lai kalkhawm in hmalak tum dan leh hmalak tur atan an duh te zawhna leh thurawnna te neih a ni bawk.
He Press Conference hi Pu Lalthangmawia Vandir MIS, Dy. Director I & PR in kaihruaiin MP (LS) hi Pu S. Laldingliana, Parliamentary Secretary leh Pu Joseph Lalhimpuia, Vice Chairman, High Power Committee ten an tawiawm a. Pu C.L. Ruala hian Lawngtlai leh Saiha te a tlawh dawn bawk a ni.
Company hrang hrang (foreign) thlengin Mizoram Oil leh Gas hausakna haichhuak turin hmalak a tum a ni, a ti. Mizoram buhfai harsatna chungchang pawh harsatna tawk lo tura theih tawpa hmalak anih thu a sawi. Lunglei khawpui chhung kawng chhia pawh PWD in an lak hma chu BRTF ho an theih ang anga siam tha tura hrilh an nih thu a sawi. Tualchhung chanchinbu leh media lama thawkte mi 21 lai kalkhawm in hmalak tum dan leh hmalak tur atan an duh te zawhna leh thurawnna te neih a ni bawk.
He Press Conference hi Pu Lalthangmawia Vandir MIS, Dy. Director I & PR in kaihruaiin MP (LS) hi Pu S. Laldingliana, Parliamentary Secretary leh Pu Joseph Lalhimpuia, Vice Chairman, High Power Committee ten an tawiawm a. Pu C.L. Ruala hian Lawngtlai leh Saiha te a tlawh dawn bawk a ni.
