2349/2026-2027 

24th September, 2026: Anti-Corruption Bureau (ACB), Mizoram chuan vawiin khan Anti-Corruption Awareness Programme Govt. Kamalanagar College, Chawngte, Chakma Autonomous District Council (CADC) Secretariat, Chawngte leh Govt. Champhai College-ah a buatsaih. 

Govt. Kamalanagar College-a programme buatsaihah hian zirlai 150 chuang an tel a. Pu Zarzoliana, Addl. SP, ACB in eiruk do leh ven zui chungchangah kalkhawm te zirtirna hun a hmang a ni. 

Zirlai kalkhawmte hnenah corruption lo chhuah dan te, rinawmna vawn pawimawhna te leh corruption laka fihlim khawtlang siam kawnga thalaite mawhphurhna chungchang te Pu Zarzoliana hian a zirtir a, sawihona buatsaih a ni. Zirlai kalkhawmte zingah eirukna laka fihlim tura intiamna ‘Signature campaign’ neih nghal a ni bawk.

CADC Secretariat-a programme buatsaih ah hian mi 300 chuang an tel a. He hunah hian Pu Nirupam Chakma, Chief Executive Member (CEM), CADC chu Khuallian a ni. 

Addl. SP, ACB Pu Zarzoliana hovin he zirhona hi neih niin sorkar hnathawk te, mipui aiawh te leh vantlang mipui te chuan eirukna dona kawnga mawhphurhna an neih dan te an sawiho a. Eirukna do chu sawrkar hnathawk te chauh mawhphurhna a ni lo va; mipui, zirlai, sorkar department hrang hrang leh mipui aiawhte thawhhona atangin hmalak a ngai thin tih tarlan a ni. 

Govt. Champhai College, Champhai-a hun buatsaihah hian College Principal, thawktu leh zirlai 470 chuang an tel a. Inspr. Albert Lalbiakmawia, ACB chu Resource Person a ni. He hunah hian zirlaite zingah eirukna laka fihlim tura intiamna 'Signature Campaign' neih a ni bawk.