2350/2026-2027

Dated Hnahthial, the 24^th September, 2026: Vawiin khan JBR Futsal Ground, Hnahthaialah Child Development Project Office chuan Rashtriya Poshan Maah, 2026 vawi kuana pualin "Indigenous, Traditional Play & Story Telling Day" chu naupangte tan an buatsaih a. CDPO, Pi F. Lalnuntluangi chuan he hun hawnna programme kaihruaiin Dr. John Zonunmawia, RBSK Medical Officer hnen atangin naupangte thanlenna kawnga hriattur pawimawhte ngaihthlak a ni. 

Dr John Zonunmawia chuan naupang nu kalkhawmte hnenah nausen leh naupangten an kum mila hma an sawn leh sawn loh hriat chu thil pawimawh tak a nih thu sawiin Developmental Delay chungchang sawi zauna a nei a. Developmental Delay chu hriat chhuah a nih lawk loh chuan rilru leh taksa thanlenna kawngah naupang a nghawng theih thu sawiin an puitlin hnu thlengin pawhin kawng tam takah an nun a nghawng theih thu a sawi a. Kumin April atanga September thla chhung pawh khan check-up a tihna hmun hrang hrangah Developmental Delay nei naupang thahnem tak a hmuhchhuah hman thu sawiin nu leh pate chuan an fate tan regular taka check-up nei thin turin a chah a ni. 

He hunah hian naupangten Mizo thawnthu ngaithlain an tan games chi hrang hrang - Musical Chair, ball pool, rubber zuan, kalchhet inkal siak, inkawibah, inhruipawh leh football te buatsaih a ni a, Games neih zawh hian Poshan Rally neih nghal a ni.