4128/2024-2025

Dated Lawngtlai,7th February 2025 : Deputy Commissioner's Office, Lawngtlai District bultuma 'Citizen Care- Grievance Redressal Day' (Khua leh tuite Ngaihsak-Harsatna Chinfel Ni) hman thin chu a thawh nga nan vawiin khan Sub- Divisional Officer (Civil) Conference Hall, Chawngteah hman a ni leh a. Zing dar 10:00 atanga tlai lam dar 3:00 thlengin sawrkar department hrang hrangte chu mipuite dawr theihin an inpho chhuak.

Khua leh tuite Ngaihsak-Harsatna Chinfel Ni' puala hun hmannaah hian sawrkar Department 11 - Superintendent of Police (SP), Executive Engineer (PHED), Executive Engineer (P&E), District Research Officer (DRO), Chief Medical Officer (CMO), District Commissioner of State Tax, District Civil Supplies Officer (DCSO), Election Officer (EO), District Education Officer (DEO) leh Lead Bank Manager (SBI) bakah BDO, Chawngte, chu mipuite dawr theih turin dawhkan hrang hrangah an inpho chhuak a ni.

'Khua leh tuite Ngaihsak-Harsatna Chinfel Ni' hman tawhah mipuiten hlutin an ngaipawimawh hle a, mi thahnem takin department hrang hrang inpho chhuak te hi dawrin, harsatna an neih ang angte an thlen nghal thin a. Vawiin hun hmanna pawh hi mipuiten hlutin an ngaipawimawh hle a; Lawngtlai kal kher ngai lo a, sawrkar official-ten an lo kal chilh chu thinlung taka an lawmthu an sawi a. Mi thahnem takin sawrkar department hrang hrang inpho chhuakte hi dawrin an harsatnate an thlen nghal a, hlawk thlak an tih thu an tarlang bawk.

Vawiin 'Khua leh tuite Ngaihsak-Harsatna Chinfel Ni' hi Pu Lalnunpuia Renthlei, SDO (Civil) Chawngte, kaihhruiana hnuaiah hlawhtling taka neih a ni.