4285/2024-2025

Khawzawl, dated 17th February 2024: Watershed Yatra Campaign launch programme 2025 chu Department of Rural Development, GoM hmalakna hnuaiah Mizoram District hmun hrang hranga hman a nih rualin DRDO, Khawzawl District chuan Nikuala Hall, Chawngtlaiah an hmang.

Watershed Yatra Campaign hi rampum huapa hmalakna niin Feb 5 khan Union Minister, Ministry of Rural Dev, GoI in a lo hawng tawh a.

He Campaign in a tum ber Watershed Development Component- PMKSY 2.0 hmalakna hrang hrangte mipui a tam thei ang berin chhawr ṭangkai se tih leh programme chinchang an lo hriat belhna tura hmalakna a ni.

Watershed Yatra Campaign, 2025 hi Chief Guest Pu Lalfakzuala, Addl DC chuan hawngin Mizoram chhunga WDC- PMKSY 2.0 project awm mek zingah Khawzawl-I project chu ti ṭha pawl tak a nih thu a sawi a, hei hi Watershed Committee leh khawtlang mipuite thawh hona that vang niin a sawi a, chhunzawm zel turin a chah a ni.

He Campaign-ah hian Pu H Lalnunsanga, SMS (WDC -PMKSY 2.0) chuan project hnuaia hnathawh tlangpui sawizauna leh Alu chin dan zirtirna a pe nghal a ni.

Chief guest chuan Watershed Yatra T shirt leh Calendar a sem bakah WDC-PMKSY 2.0, Khawzawl-I project hmalakna hnuaia Alu chi quintal 35 leh Hmarchate chi no 250 vel, chhungkaw 90 chuang hnenah a sem nghal bawk a ni.

Watershed Yatra Launch Campaign hi DRDO Khawzawl kaihhruaina hnuaiah khawtlang mipui 100 chuangin an hmang thei a ni.