4284/2024-2025

Dated Aizawl: the 17 February 2025: Vawiin khan Zakapa Award 2025 chungchang ngaihtuahin Zakapa Award Organising Committee chu Pi Lalzarmawii, IAS, Commissioner & Secretary, Social Welfare & Tribal Affairs & Women & Child Development hovin Secretariat Conference Hall-2, MINECO-ah an ṭhukhawm a. Kumina Zakapa Award semdan tur leh inpuahchahna kalpui dan tur an rel a ni.

Ṭhutkhawmnaah hian kumina Zakapa Award 2025 semdan tur kaihhhnawiha Seminar neihdan tur te, Seminar atana Resource Person turte bakah Award kaihhnawih thil ṭul dangte ngaihtuah a ni a. Award puala Seminar hi February ni 25, 2025-ah I&PR Conference Hall, Lianchhiari Run-a neih tur niin, resource person atan Dr. H. Laldinmawia, Mizo Dept. Pachhunga University College, Pi C. Zodinpuii, Chairperson, Mizoram State Commission for Women leh Prof. Lalrindiki Ralte, Aizawl Theological College te a ruat a ni. Hei bakah hian Committee chuan Award dawng thei tur thlan dan te ennawnin, Seminar-a sawm tur mi pawimawhte thlan chhuahnate an nei nghal bawk a ni.

Vawiina ṭhutkhawmnaah hian Member-te an tel kim thawkhat hle a. Member-te aṭangin Award kaihhnawiha rawtna ṭha tak takte ngaihthlak nghal a ni bawk.