Vawiin khan KVK Lawngtlai District Programme Coordinator Dr. Michelle C. Lallawmkimi kaihhruaina in Lower Saikah ah Chawnpui Farmers Club te tan training an buatsaih sak a, KCK Scientist ten tlang lo buh chin leh thlai lama harsatna te sawiho in zirtirna an pe. He hunah hian Knapsack Sprayer leh Plant Protection Chemicals te Loneitute hnenah sem nghal a ni.

KVK Lawngtlai District, Chawhnu chuan kumin a RKVY hnuaia hmalakna in Diltlang WRC a buh chingtute leilet a hmunah enfiah in an harsatna te an enpui a, loneitute tanpuina sum awm thei ang pek an ni. Kum in hian WRC leilet enkawltute 94% lai in Line Planting an kalpui. Hei hi kum danga an tih ngai loh a ni a, kumin hian he Line Planting vang hian Buh thar tam beisei a ni. An buh chi phun hi KVK Lawngtlai District in a bik a an pek CAU-RI (Improve rice variety/ a chi tha chi) a ni. KVK Lawngtlai District hian a duh apuang ten an chin theih tur in CAU-RI Communoty Nursery hmun hnin (2) ah an siam a loneitute’n an chhawr tangkai hle.

Diltlang leilet siamtu Pu Lalhmahruaia leilet erawh chu fur ruahtui lian in a tihchhiat avangin KVK Lawngtlai hiamn Tanpuina sum a pe bawk a ni.