No.2037/2020-2020

Aizawl, 15th June, 2020: Vawiin  khan Chawnpui Presbyterian Kohhran chuan CM Relief Fund ah a tul apianga hman atan Cheng Nuai 1 an hlan a. Chief Minister aiawhin Pu Tawnluia, Dy.Chief Minister-in a chenna inah a lo dawng a ni.

Chawnpui Presbyterian Kohhran hian Covid-19 do nan Chawnpui Veng chhunga kohhran pawl bik awm lovin Chhungkaw 130 hnenah tanpuina pawisa Rs 3,90,000/- an lo pe chhuak tawh a. Hei bakah hian Chawnpui Local Task Force hnenah a tul apianga hman atan Rs.1,00,000/- an lo hlan tawh a,  vengchhung mi harsa zual tan Buhfai Quintal 11.5 an lo pe chhuak tawh bawk a ni.

Pu Tawnluia chuan Chawnpui Veng Presbyterian Kohhranin mahni kohhran leh veng bil sawi lova Mizoram pum thlira tanpuina sum an hlan chu lawmthu a sawi a.  Covid19 do na a sawrkar hmalakna theihtawp a thlawptu Kohhran te leh NGO hrang hrang te chungah pawh lawmthu sawiin  MKHC in Hripui do nan a chaw nghei tawngtai a rawt te, NGO te pawh Sawrkar hmalakna ti chak tu a an tang chu lawmawm a tih thu a tarlang a ni.

Țanpuina sum hi Chawnpui Presbyterian kohhran aiawhin Rev.T.Lathantluanga’n a hlan a, Kohhran Upa ten an tawiawm a ni.