No.2036/2020-2020 

 
Lawngtlai, Nikir thla ni 14, 2020: Vawiin khan Lawngtlai District official pawimawhte'n Lawngtlai khawpui chhunga quarantine facility hrang hrang an tlawh kual a. He'ng facility-a mawh phurtute nen thil pawimawh hrang hrang an sawi ho.

Vawiina Lawngtlaia quarantine facility tlawh kualnaah hian SDO (Sadar) Pu V. Lalruatliana hovin Chief Medical Officer, Addl SP, Nodal Officer-te leh DIPRO leh DM&R District Organiser te an tel a. Facility hrang hrangah Supervisor leh Support Staff te'n lo dawngsawngin, an harsatna leh mamawh bakah, centre an enkawl dan te an lo sawi a. Hriat tur pawimawh hrang hrang inhrilhfiah a ni bawk.

Tun dinhmunah Lawngtlai District chhungah hian government quarantine facility 12 leh Covid Care Centre 1 bakah, community quarantine facility 4 a awm mek a. He'ng facility hrang hrangah hian khung hran mek mi 655 awmin, home quarantine-a khung hran mek mi 41 nen an zavaiin Lawngtlai District chhungah khung hran mek mi 696 an awm.

Vawiin khan Meghalaya atangin mipa 2 lo thlen belhin, Don Bosco School-ah dah an ni a. Zoram Medical College (ZMC)-a RT-PCR test turin swab sample 131 thawn belh niin, sample thawn tawh zawng zawng hi 682 a ni a. Result hriat tawh 252 awmin, he'ng zinga pali chu positive case a ni a, result nghah lai 430 a la awm.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 25
2. Circuit House, Lawngtlai - 59
3. Medical Quarters, Lawngtlai - 63
4. Covid Care Centre - 69 (positive case 4 telin)
5. ANM School, Lawngtlai - 31
6. Don Bosco School, Lawngtlai - 34
7. Govt Lawngtlai College - 112
8. DIET Thingkah - 75
9. Govt Thingkah Middle School - 28
10. PWD Inspection Bungalow, Lawngtlai - 11
11. Tourist Lodge, Chawngte 'C' - 18
12. Circuit House, Chawngte 'C' - 30
13. LADC Rest House, Chawngte 'P' - 3
A Total - 558

B. Community Quarantine Facility:

1. BCM Bethani, College Veng, Lawngtlai - 20
2. LIKBK Bethel, Chandmary, Lawngtlai - 20
3. LIKBK Centre Church, Bazar Veng, Lawngtlai - 32
4. PCI Bazar Veng, Lawngtlai - 25
B Total - 97

C. Home Quarantine - 41

Grand Total (A+B+C) - 696