339/2025-2026

AIZAWL; the 25^th April,2025: Vawiin chawhnu dar 2:00 khan cheng cheng nuai ₹ 1793.37 senga sak High Court Parking Building  leh Elevated Pedestrian Footpath to District Court, MINECO chu Gauhati High Court Judge 3 : Hon’ble Mr. Justice Michael Zothankhuma, Hon’ble  Mr. justice Nelson Sailo leh Ho’ble Mrs.Justice Marli Vankung ten ribbon chepchatin a rualin an hawng a, 1^st Floor leh 6^th Floor banga tar Plaque khuhna puan an pawt hawng bawk.

Vawiina hawn tak High Court Parking Building hi SEDP atanga Fund dawn a ni a. Sanction Amount hi cheng nuai ₹ 1960.00 niin, Contract amount erawh cheng nuai ₹1793.37 a ni thung. Tahrik ni 30.9.2020 atang khan Contractor V.Malsawmdawngliana, Chandmari, Aizawl chuan a sak hna hi a tan a ni.

Vawiin High Court Parking Building leh Elevated Pedestrian Footpath hawnna inkhawm tawi hi Parking Building chhawng chung berah neih niin, he tah hian thu sawiin Hon'ble Mr. Justice Michael Zothankhuma, Judge, Gauhati High Court chuan High Court parking building a lo awm theih nana thawktu te zawng zawng chungah lawmthu sawiin, Kum 2008-ah te kha chuan  eng infrastructure mah kan nei lo kha a ni a. kum 17 chhung hian infrastructure tha tak tak Aizawl khawpui leh district Hqrs. ah te kan nei tawh a, hei hian Sawrkarin min ngai pawimawh zia a lang hle a, kan lawm hle a ni, a ti.

Vawiin  programme-ah hian Hon’ble Justice Nelson Sailo chuan welcome speech sawiin, Er.H.Lalnuntluanga,Sr. Executive Engineer, Project Division-I, P.W.D. chuan Technical Report  a pe a. Report a tarlan danin, High Court parking building hi Ground floor tiamin(Zopa chhiarin) chhawng sarih(7) a ni a. A ground floor-ah hian Chowkidar quarters leh office te a awm a. 1st Floor-ah hian Car 12 park-na bakah Canteen/kitchen a awm a. 2^nd Floor-ah   pawh Car 17 park-na tur bakah Office-2, Drivers’ Room-1 leh common toilet a awm. 3^rd floor--6^th Floor te hi Car park-na vek niin, chhawngh tinah common toilet a awm nghal vek bawk.  A chhawng chunglam lawn nan hian RCC Ramp bakah StairCase a awm bawk a ni.

High Court parking building pumpui zau zawng hi 5805.04Sqm niin, a vaiin Car 149 a park thei dawn a ni.  He High Court Parking building  atang hian ruahsur lai pawh a huh miah lova District Court panna tur (RCC Pedestrian Footpath with Sloping roof) a awm a. High Court Complex panna tur RCC Staircase a awm bawk.

BUILDING GENERAL SPECIFICATIONS CHU:-

1) Foundation: RCC Footings.

2) Superstructure: RCC frame structure with RCC slab and RCC Ramp.

3) Walling: Half brick walling 1.2m high with Steel Grill for parking areas.

4) Flooring: Cement Concrete flooring for parking area and vitrified tile for rooms and staircase

5) Roofing: RCC flat roof with seal coat finish and Sloping Roof with Steel Truss for Ramp and Elevated Pedestrian Path to District Court.

6) Compound fencing: 1.6 m high Brick wall fencing with 0.55m barbed wire fencing of 93.00 m long.

Dr. H.T.C. Lalrinchhana Registrar, Gauhati High Court, Aizawl Bench chuan Vote of thanks sawiin vawiin programme hi a khar ta a ni.