August ni 22 chawhnu dar 3 bawr vel khan Mizoram Police te chuan an thu dawn bawhzuiin Aizawl pana motor lo kal pick-up truck B/R No.MZ-01-N-7137 chu Tuikhurhlu-ah lo check in Heroin No.4 gram 1092, sahbawn bawm 78-a dah an man a. Heroin No.4 man hi tualchhung market rate anga chhut chuan cheng nuai 39 man hu vel a ni. Ruihhlo man hi Myanmar atanga lo kal nia hriat a ni.

Ruihhlo Heroin No.4 neitu ni a rinhlelh Thangliana (37) s/o Bawiliana, Falam, Chin State Myanmar leh a motor khalhtu Zoliansanga (45) s/o Kaithanga, Khuanglen, Champhai District te leh ruihhlo phurhna motor chu man niin case siam sak nghal an ni.