Animal Husbandry & Veterinary Department, Serchhip District buatsaihin Cherhlun khuaah nihnih awh Animal Health Camp-cum-Livestock Farmers’ Training hlawhtling taka buatsaih a ni.
Animal Health Camp-cum-Livestock Farmers’ Training hi March ni 25 & 26 khan neih a ni a, Livestock Farmers’ Training hi Dr. Lalnghinglova DVO Serchhip chuan kaihhruaiin Resource Person atan Dr. Lalsanglien Ralsun,VO leh Dr. Biaklianzuali,VO hman an ni a, Field Staff 5 in an tawiawm bawk a ni.
He nihnih chhung hian Animal Health Camp neih nghal a ni a, ran zai ngai thahnem tak zaiin, ran damlo tam tak enkawlna pek an ni a, Ran damdawi chi hrang hrang - rulhlut hlo leh Vitamin te pawh ranvulhtu te hnenah hian hnianghnar taka sem chhuah a ni a, ui-a hri danna in ui engemaw zat chiu an ni bawk.
He Livestock Farmer Training leh Animal Health Camp te hi Cherhlun khaw mipuiin an hlut hle a, an khaw thenawm- Ngharchhip leh New Ngharchhip a ran vulhtu mi thahnem takin chhimin an hlawkpui hle a ni.
