1141/2022-2023
Aizawl, 4th July, 2022: Vawiin chawhma khan 44th Chess Olympiad Torch relay (meichher), Mizoram lo tlawh tur dawnsawn dan ngaihtuahin Dr. Lalrozama Secretary, Sports & Youth Services Deptt office chamber-ah meeting neih a ni a. Chess Olympiad hi Fédération Internationale des Échecs buatsaih niin, kumin hian Chennai ah 28 July, 2022 - 10 August, 2022 chhung neih a ni dawn.

India ramin zalenna sual chhuah kum 75na lawmna kal mek - Azadi ka Amrit Mahotsav pualin Chess Olympiad Torch Relay hi a vawi khatna atan buatsaih a ni a. Prime Minister-in Delhi-ah June ni 18 khan a hawng tawh a. State hrang hrang 36-a hmun 75-ah Torch Relay Olympiad pual hian programme buatsaih a ni dawn a.

Mizoramah chuan July ni 12, 2022 (Thawhlehni) chawhma11:30am ah Mizoram State Sports Council, Sport Complex, Lengpui a neih tur a ni a. Vawiin meeting-ah Pu Joseph H.Lalramsanga Director, Sports & Youth Services leh a kaihhnawih mi pawimawh ten ruahmanna siam ngaite ngaihtuahin an sawiho a.

Chess Olympiad meichher hi Chennai-ah hian a tawp ang a, 44th Chess Olympiad neihna tur Chennai ah a tawp ang.