142/2022-2023
Mamit 4th July, 2022 : Shri Umakant Jt. Secretary (WM) Ministry of RD, DoLR, Govt of India, Central Nodal Officer, Jal Shakti Abhyan (JSA CTR) chuan Mamit tlawhin vawiin chawhnu khan DC Conference Hall, Mamit-ah Sawrkar hotute leh khawtlang hruaitute kawmna a nei.

Shri Umakant Jt. Secretary, Central Nodal Officer chuan fur ruahtui luan ral tir mai lova khawlkhawm that a pawimawh thu sawiin, tuihna humhalh turin a tam thei ang ber thingphun uar tur leh tuihna awmsate humhalh tha-a kumtluana tui kan hman tur a awm theih nana tan la turin kalkhawmte a chah a. Fur ruahtui awm loh lai pawha, tui hman tur kan intodelh theih nan bakah tui chu nunna hnar a nih avangin kan ei leh bar kawngah nasa taka min chawikan theih ngei a beisei thu a sawi.

Vawiin Meeting-ah hian JSA - CTR, Nodal Officer, Pu Laldanmawia SDO, PHED chuan Power Point Presentation hmangin Tuihna humhalhna kawnga PHE Department-in Mamit District chhunga hma a lakna hrang hrang leh dinhmun tlangpui te a tarlang bawk.

Central Nodal Officer hi Mamit khawtlang hruaitute nen inkawmhona neiin zawhna leh chhanna hun hman a ni.