4865/2025-2026

Khawzawl, dated 17th March 2026: Nimin khan Chhawrtui khua chuan an khaw tui lak lawmna leh inhlanna (Handing Over) Jal Arpan Diwas hman a ni. Pu Lalrinsanga WATSAN Chairman in kaihruaiin, Pu K Lalhmuakliana PD, DRDO leh DWSM Member ni bawk chu Khuallian a ni.

He hunah hian Er. Freddy Vanlalmuanawma SDO, PHED chuan Technical report pein, Chhawrtuiah hian Jal Jeevan Mission (JJM) hnuaiah hian Chhawrtui khua hnenah tui connection a thlawnin 254 pek a ni a, Solar pumping hmangin Rangte lui hi stage hnih (2) a pump chhuah niin, metre 630 a sang a pump chhuah a ni. Chhawrtui khua hi Har Ghar Jal Village a puan tawh a ni. Financial year 2025-2026 atan Jal Seva Ankalaan Assessment lak tawh niin, Jal Seeva Ankalaan Citizen Feedback pawh mi engemawzahin an ti tawh bawk.

Khuallian Pu K Lalhmuakliana chuan thu sawiin India ram khua leh tui chuan tihtur kan nei theuh a. Khawtlang tan sawrkarin a din hrang hrang enkawl leh venhim hna hi khua leh tui mawhphurhna a ni a ti a, eng scheme pawh khaw tana Sawrkarin a din te enkawltu bik awm thin mahse, kan zavaia a tha zawnga enkawl chhunzawm zel hi kan mawhphurhna leh kan tihtur a ni a ti bawk.

Chairman kaihhruainain kalkhawmten tuihna humhalh chungchang thutiam an la a, Pu K Lalhmingliana, Member, WATSAN Committee chuan lawmthu a sawina a nei bawk.