4864/2025-2026

Dated Saitual the 17th March 2026 : Vawiin khan District Monitoring Committee for Bana Kaih Scheme, Saitual buatsaihin DC Conference Hall-ah Bana kaih (Handholding) chungchang inzirtirna neih a ni a, workshop hi Pu Srinivas Sadi, Deputy Commissioner leh Chairperson, District Monitoring Committee ni bawk chuan a kai hruai a ni.

Vawiin workshop-ah hian Dr KC Malsawmzauva, Adviser to CM (Handholding Policy) chuan banakaih chungchanga thil pawimawh hrang hrangte a sawi a, sawrkar hna a indaih tawh loh avangin entrepreneurship chu ngaih pawimawh a hun thu leh moral reform chu an tum bulpui a nih thu a sawi a, quantity aia quality pawimawh ziate, project hrang hrangte chu bank kalphung zul zuia tih a nih bakah IT literacy, convergence, monitoring & documentation pawimawh ziate a sawi bawk.

Vawiin workshop-ah hian Pi Laldikkimi leh Pu Zohmingthanga, member, MSPCC te chuan Bana Kaih Scheme leh KCC chungchang inzirtirna hun an hman bakah sawihona, zawhna leh chhanna hun hman nghal a ni a, Pu Tharun Patnaik Madala, SDO(S)& Member Secretary ,District Monitoring Committee chuan Bana kaih Scheme chungchanga hma lak tawhna hrang hrang report a pe a, Pi C. Lalengkimi, Manager, SBI, Saitual Branch chuan Bank lam kaihhnawih hrang hrangte bakah loan pekchhuah tawh leh pek theih lohte, pekloh chhante report a pe bawk. 

Pi Lalhmachhuani, District Dy Manager, NABARD pawhin thusawiin KCC Loan chungchanga mipuite hriat atana tangkaite leh Sawrkar Scheme hrang hrang hnuaia loan awmte a sawi a, heng bakah hian handholding scheme dil dan kalhmangte video hmanga enho a ni a  Pi Christina Lalnunfeli, SDC, Saitual chuan lawmthu sawiin hun a khar a ni.