Taxation Minister Pu J.H. Rothuama chuan ram khua leh tui dik tak ten neitu an nih an lantirna pawimawh ber pakhat chu chhiah pek hi a ni a ti. He thu hi vawiin a PRISM in  'State Level Consultation on Tax Reforms'  I&PR Auditorium a buatsaih a hmanpui na a a sawi a ni.

Minister chuan chhiah chu a tlem emaw a tam emaw sorkarin a bithliah ang pek hi khua leh tui te tan a neitu nihna tinghet tu a nih thu a sawi a. Mumal zawk leh fel zawk a chhiah hi lak a nih theih nan sorkar chuan hma a lak mek thu sawiin Land Reforms kalpui tan mek hnuaiah hian mimal ram engzahnge awm tih survey neih mek a nih thu te, chhiah pe leh pe lo te leh chhiah beisei zat chiang zawk a hriattheih a nih tur thu te a sawi.

He inkhawmah hian Prof. Lianzela, MZU Professor chuan  'Mizoram chhiah tihpun a hun tawh em?' tih thupui hmanga paper a buatsaih chu zirho a ni a, Taxation leh Revenue Department  ten thu pawimawh hrang hrang an tarlang bawk.