Disaster Management and Rehabilitation Minister Pu Nihar Kanti Chakma chuan vawiin khan Vanapa Hall-ah "Workshop on Mainstreaming of Disaster Management into Development Process" a hawng. Workshop hi Disaster Management Authority, Govt. of India leh Disaster Management and Rehabilitation Department, Govt. of Mizoram te tangkawpin an buatsaih a ni.
Workshop hawnna inkhawmah DM&R Minister hian thu sawiin Mizoram hian chhiatna chi hrang hrang - leimin te, thlipui leh rial te kan tawk fo a ni a ti a. Hetiang chhiatna lo thleng te India sorkar laipuiin a rawn ngaihsak dan hi Mizoram sorkar chuan lawmawm a ti a, chhiatna lo thleng thinte laka him zawkna tura hma la zel tur pawhin sorkar laipui chu a duh tih a sawi a. National Disaster Management Authority (NDMA) chu mithiamte rawn tirh chhunzawm zela disaster management programme hrang hrangte Mizoramah hlawhtling zawka kalpui a nih theihnana hma la turin a sawm bawk. Minister hian workshop-a tel zawng zawngte chu chhiatna laka Mizoram a lo him zawk theihna tura hlawhtling taka zir chhuak theuh tura duhsakna hlanin workshop hi a hawng a ni.
Workshop-ah hian Pu Van Hela Pachuau Chief Secretary, Mizoram chuan Welcome Speech sawiin chhiatna lo thlen huna kan tawrhna ti tlem turin lo inbuatsaih lawk tluk a awm lo a ni a ti a. Mr. Amit Jha, Joint Secretary, NDMA chuan Keynote Address a pe a. He workshop ah hian Sorkar laipuia Ministry of Earth Sciences, UNDP, NDMA leh National Disaster Response Force (NDRF) te bakah DM&R, Mizoram atangtein mithiam ten hun an hmang a ni.
DM&R record-a a lan dan chuan kum 2004 - 2010 chhungin Mizoramah chhiatna chi hrang hrang - leimin, kangmei, thlipui, rial, tuilian leh accident dang te vangin in 42323 chhiain mihring nunna 87 hial chan a ni tawh a. Mizoram hi lirnghing nat berna (Seismic Zone V) huamchhungah a awm bakah thlipui (cyclone) nat duhna ram a ni a. Mizoram sorkar chuan chhiatna lo thleng palh thei laka inruahman lawkna atan Disaster Management Cell (ATI) te, Hazard Safety Cell (PWD), State Disaster Response Force leh Disaster Management Committee hrang hrangte a din bakah Awareness campaign te buatsaihin nasa takin hma a la mek a ni.
Workshop-ah hian Pu Van Hela Pachuau Chief Secretary, Mizoram chuan Welcome Speech sawiin chhiatna lo thlen huna kan tawrhna ti tlem turin lo inbuatsaih lawk tluk a awm lo a ni a ti a. Mr. Amit Jha, Joint Secretary, NDMA chuan Keynote Address a pe a. He workshop ah hian Sorkar laipuia Ministry of Earth Sciences, UNDP, NDMA leh National Disaster Response Force (NDRF) te bakah DM&R, Mizoram atangtein mithiam ten hun an hmang a ni.
DM&R record-a a lan dan chuan kum 2004 - 2010 chhungin Mizoramah chhiatna chi hrang hrang - leimin, kangmei, thlipui, rial, tuilian leh accident dang te vangin in 42323 chhiain mihring nunna 87 hial chan a ni tawh a. Mizoram hi lirnghing nat berna (Seismic Zone V) huamchhungah a awm bakah thlipui (cyclone) nat duhna ram a ni a. Mizoram sorkar chuan chhiatna lo thleng palh thei laka inruahman lawkna atan Disaster Management Cell (ATI) te, Hazard Safety Cell (PWD), State Disaster Response Force leh Disaster Management Committee hrang hrangte a din bakah Awareness campaign te buatsaihin nasa takin hma a la mek a ni.
