June ni 26, 2010, "International Day Against Drug Abuse And Illicit Trafficking" denchhenin tukin dar 7 khan Excise & Narcotics Department leh Mizoram Drugs Control Administration te chuan ruihhlo chi hrang hrang an man sa thubuai chinfel tawh te chu New Secretariat Complex, Khatla-ah an halral a, Pu J.H.Rothuama, Excise & Narcotics Minister chuan khuallian niin a hmanpui.
Thu sawiin khuallian chuan ruihhlo man khawm tura theihtawp chhuahtu Excise Department, Mizoram Police Narcotic Cell, Central Y.M.A leh Tlawmngai Pawl dangte hnenah lawmthu a sawi a, damdawi hi a hmanna tur diktaka hman anih loh avangin kan thalai fel tak tak ten an hmalam huna an nih tur ang an thlen phak loh phahin an nunkawng an ti chhe thin a, kan ram hmasawnna daltu lian tak anih avangin leh AIDS thehdarhtu huatthlala tak pakhat anih avangin tha thlah mai lova theihtawp chhuaha do reng a tul thu a sawi a, Sawrkar hmalaknate thlawpa thawhpuitu tlawmngai pawl hrang hrangte avangin ruihhlo dona kawngah an hlawhtlin ngei a rin thu a sawi bawk.
Thu a sawi zawh hian Minister hian ruihhlo man sa dahkhawm te chu mei a dep kaiin a halral a, heng ruihhlo halralte hi :
1. Heroin - kg 4, gram 466 leh milligram 386
2. Opium - kg 2 leh gram 500
3. Ganja - kg 48, gram 501 leh milligram 500
4. Diazepam - 214 tablets
5. Nitrazepam - 2500 tablets
6. Alprazolam - 8 tablets
7. Tramadol - 15,000 capsules
8. Codylex - 6600 tablets
9. Spasmo Proxyvon - 1,90,817 capsules
& Parvon Spas
Heng ruihhlo halral zawng zawngte hi Aizawl rate-in Rs. 1,86,00,498/- hu a chhut a ni.
He ruihhlo halral puala inkhawm buatsaih hi Pu Lalbiakmawia Khiangte, Commissioner of Excise & Narcotics-in a kaihruaia, Pu N.K. Chakma, A.H. & Vety Minister, Pu Lalrinmawia Ralte, Parliamentary Secretary, Pu R.L.Pianmawia, Dy. Chief Whip bakah Drugs Law Enforcement Department hrang hranga hotute, CYMA Kum Puan hotute, NGO hrang hrang hruaitute leh thuthar lakhawmtute an tel tha hle a ni.
He ni denchhena siam video clip/documentary 'Drugs Scenario' tih Excise & Narcotics Deoartment siam chu local TV hrang hrang leh Doordarshan Kendra-ah te tihchhuah a ni a, District hrang hrangah thawn darh a ni bawk.
Thu a sawi zawh hian Minister hian ruihhlo man sa dahkhawm te chu mei a dep kaiin a halral a, heng ruihhlo halralte hi :
1. Heroin - kg 4, gram 466 leh milligram 386
2. Opium - kg 2 leh gram 500
3. Ganja - kg 48, gram 501 leh milligram 500
4. Diazepam - 214 tablets
5. Nitrazepam - 2500 tablets
6. Alprazolam - 8 tablets
7. Tramadol - 15,000 capsules
8. Codylex - 6600 tablets
9. Spasmo Proxyvon - 1,90,817 capsules
& Parvon Spas
Heng ruihhlo halral zawng zawngte hi Aizawl rate-in Rs. 1,86,00,498/- hu a chhut a ni.
He ruihhlo halral puala inkhawm buatsaih hi Pu Lalbiakmawia Khiangte, Commissioner of Excise & Narcotics-in a kaihruaia, Pu N.K. Chakma, A.H. & Vety Minister, Pu Lalrinmawia Ralte, Parliamentary Secretary, Pu R.L.Pianmawia, Dy. Chief Whip bakah Drugs Law Enforcement Department hrang hranga hotute, CYMA Kum Puan hotute, NGO hrang hrang hruaitute leh thuthar lakhawmtute an tel tha hle a ni.
He ni denchhena siam video clip/documentary 'Drugs Scenario' tih Excise & Narcotics Deoartment siam chu local TV hrang hrang leh Doordarshan Kendra-ah te tihchhuah a ni a, District hrang hrangah thawn darh a ni bawk.
