Ni 22.9.2009 khan Pu Chawngtinthanga, Parliamentary Secretary chuan Chhiahtlang MZP Sub-Hqrs buatsaih ‘Quality Education Campaign’ Ramlai Community Hall, Chhiahtlang-ah a hmanpui a. He hunah hian Chhiahtlang khaw chhunga Primary School atanga High School zirlai leh zirtirtute an tel kim hle.
Khuallian Pu Chawngtinthanga chuan thu sawiin Mizorama zirna siamthatna atna sorkarin Education Reforms Commission a din chuan hna a thawh mek thu leh Mizo hnamzia mila siamthatna tur a rawn duan chhuah hunah pawh ram zirna siamtha tur chuan ‘dikna’ a pawimah ber a ni, a ti. Zirtirtuten an hna chu rawngbawlnaa ngaiin englai pawhin intuaihriam zel turin a fuih a ni.

Quality Education Campaign-ah hian Resource person atan Pu Lalrammawia, Principal DIET Serchhip leh Pu K. Biakthianghlima, Adviser, MZP te hman an ni