Vawiin chawhma dar 11:00 ah tanin Circuit House Conference Hall Lunglei ah Head of Offices Lunglei te nen Sensitization Workshop on Stakeholders neih a ni.

He worshop hi Pu Lianhlira, CMO Lunglei in a kaihruai a ni. He workshop hi Pi M. Zohmingthangi IAS, Lunglei Bawrhsap in a hmanpui a, thusawiin he sawrkar  programme pawimawh tak hi sawrkar hnathawk, a bik in Head of Offices ten kan ngai pawimawh tur a ni,a ti. Sawrkar hna thawk thei tur in hriselna a ngai a,hriselna nei tur in zuk leh hmuam ah kan fimkhur tur a ni,a ti. He workshop ah hian Power Point presentation hi Dr.Jane R.Ralte in a nei a, Mizoram hi India ram state hrang hrang zuk leh hmuam tehna ah mipa leh hmeichhia ah te a ti nasa ber pakhatna kan ni ,a ti. Zuk leh hmuam tih hian natna chi hrang hrang a keng tel a, chu chuan Mizo te zing ah thihna a thlen tir tam em em a ni,a ti. Mizoram ah Malaria in kan thi tam ber a, a dawt ah chuan Cancer a ni a, heng zawng zawng hi kan zuk leh hmuam tih nasat vang a ni, a ti. Zuk leh hmuam hi puitling ah chauh a hluar lova, naupang thleng in an ching a, chuvangin a that lohzia in zirtir uar hi mitin te mawhphurhna a ni,a ti. Sawrkar in damdawi In, Zirna In, Office leh mipui punkhawmna ah meizuk a phal loh thu hi kan zawm tha tawk lova, heng ah te hian in zirtir kan uar a ngai a ni, a ti bawk. Mei hi a zutu mai hian a khu a hip lova a kiang a miten an hip bawk a, chuvangin a zutu bakah midang zu ve lo tan pawh a hlauhawm a ni,a ti.

Anti Tobacco Awareness Campaign hi I&PR Conference Hall Lunglei ah YMA te pual in chawhma dar 11:00 ah tho neih a ni. Chutiang bawk in chawhnu dar 2:00 ah Circuit House Conference Hall, Lunglei ah MJA leh Media lama thawktu te pualin he Anti Tobacco Awareness Campaign hi neih a ni bawk.