Chief Minister Pu Lal Thanhawla hmalakna-a India Foreign Minister S.M.Krishna hnena lehkha a thawn angin, ni 10 September 2009 khan India leh Bangladesh sorkar chuan kawng hrang hranga an ram pahnih inlaichinna thu ah Joint Press Statement a tichhuak.
Joint Press Statement-ah hian ram pahnihte thawhdunna tur thuthlung engemawzat ziahlan a ni a. Heng thawhdunna tur thuthlunga Mizoram bik akhawihte chu, Bangladesh Parliamentary delegation ten Tipaimukh Dam khuah tur a hmuna an tlawh tuma India sorkarin a lo dawnsawn danah lawmthu an sawi rualin, India in he tuikhuah tur hmalakna-ah Bangladesh tana thil duhawmlo leh thalo tur thil tih a awm lovang a tih chu Bangladesh lam chuan a pawm a.
Ram pahnihte insumdawntawnna kawngah, Sabroom – Ramgarh trade point chu hawn thar leh a, Mizoram border-a Demagiri – Thegamukh inkar kawngpui hawn nise tih an remti dun bawk a,Ram pahnih inkar ramri buai awmte pawh a chinfel dan ngaihtuah ran nise an ti a.
Firfiaka chetna awm thin te dona kawngah tha leh zuala thawkdunin, an ram leilungte chu hetiang mi te hman theih a siam lo turin hmalak nise an ti a. Sorkar duhloh sual dona kawnga dan leh hrai lama intanpui tawn te, thiamloh chantir misual transfer thu ah te leh international terrorism te, organized crime leh dan lova ruihhlo tawlhruk dona kawngah thawhdunna thuthlung an ziak a ni.
Ram pahnihte insumdawntawnna kawngah, Sabroom – Ramgarh trade point chu hawn thar leh a, Mizoram border-a Demagiri – Thegamukh inkar kawngpui hawn nise tih an remti dun bawk a,Ram pahnih inkar ramri buai awmte pawh a chinfel dan ngaihtuah ran nise an ti a.
Firfiaka chetna awm thin te dona kawngah tha leh zuala thawkdunin, an ram leilungte chu hetiang mi te hman theih a siam lo turin hmalak nise an ti a. Sorkar duhloh sual dona kawnga dan leh hrai lama intanpui tawn te, thiamloh chantir misual transfer thu ah te leh international terrorism te, organized crime leh dan lova ruihhlo tawlhruk dona kawngah thawhdunna thuthlung an ziak a ni.
