Kolasib Deputy Commissioner Dr Arun T. hmalakna a chiatrupna thlena hman tur bik lirthei duan chu vawiin khan Pu CL Ruala, MP Lok Sabha chuan a tlangzarh. 

He lirthei ah hian chhanchhuahna hmanrua leh tul dang chi hrang hrang heng : generator 30KVA, Bold Cutter pahnih, Chainsaw Bullet, Hrui leihlawn, traffic cone & cordoning tape, spot light, reflector vest, silpoulin, power extension cord 25mtrs, head gear leh life jacket te dah a ni a. A tul anga thuam that zel tum a ni. 

Vanduaina leh chhiat tawhna a thlena a thlawna biak theihna tur number 1077 pawh peihfel tawh a ni a, tun dinhmunah hian vodafone leh bsnl atang a biak theih a, service provider dang atang pawha biak theih thuai tura ruahman a ni. Kolasib DC hmalakna hian district chhunga sorkar department hotute leh Village Council tinte hnena thlipui tleh tur, ruah sur nasa tur leh lirnghing tur sms hmanga inhriattirna siam a ni bawk a, hei hi tangkai taka hman a ni tawh a ni.