Vawiin khan Pu Lalrinliana Fanai, Commissioner & Secretary, Disaster Management kaihhruaina hnuaiah chhiatrupna laka inven dan tur Conference Hall, New Secretariat Complex-ah sawi ho a ni a. He hunah hian Dr. Lalrokima Chenkual chuan chhiatrupna laka inven dan tur ruahmanna hrang hrang presentation neiin, Mizoram chu lirnghing awm theihna Zone V, MSK Intensity VII leh VIII-ah a awm thu a sawi a. Lt. Gen (Rtd) VK Datta, Senior Consultant, National Disaster Management Authority pawhin thusawiin, Incident Response System (IRS) pawimawhna te a tarlang a, sawrkar department hrang hrang chanvo neih theuh te sawi ho a ni.