Nimin chawhnu khan Pu Benjamin Lalzama, Addl DC Lunglei kaihhruaina in a office chamber-ah Indo Myanmar Border a zalen taka inkalpawh theihna Free Movement Regime along Indo-Myanmar Border ngaihtuah hona neih a ni. He sawihona ah hian Lunglei SP, 1st Assam Rifles, 2nd Bn MAP, SDO(C) Hnahthial, Sub-Hqrs YMA, I&PR leh Land Revenue & Settlement Department hotute an tel a ni.

Pu Benjamin Lalzama chuan Home Ministry Govt. Of Mizoram leh Sawrkar laipui Ministry Of Home Affairs duh dan angin Indo Myanmar Border atanga kilometer 16 huam chhunga zalen taka lut leh chhuak tur te tan Border Pass System siam a ngaih tawh dawn thu a sawi a. Hemi anih avang hian Lunglei district chhunga Indo Myanmar Border atanga km 16 chhung a khaw awm te, Biometric neih zat leh ram demarcation fel taka ruahman ni se tih committee chuan a rel a.Indo Myanmar Border atanga km 16 huam chhunga chengte hnenah Free Movement Regime chungchang mumal taka hrilhhriatna hun - awareness campaign neih hun tur Home Ministry ah thlen nise tih Committee chuan a rel bawk. Lunglei District ah Thingsai P.S chu Border pass system kalpui nan ruahmanna siam fel a ni tawh a, Police indaihlohna a awm dawn avangin Police dah belh nise tih rel a ni.